பவர் ஸ்டார் டாக்டர் சீனிவாசன் ரசிகர் மன்றம்

எங்களது முந்தைய தானை தலைவரான ஜே.கே ரித்திஷ் (மத்திய பாராளுமன்ற உறுப்பினர், திராவிட முன்னேற்ற கழகம்) இப்போது எல்லாம் நடிப்பதில் அவ்வளவு அக்கறை காட்டாமல் இருப்பது அனைவரும் அறிந்ததே. அவர் படம் வரும் நாள் பிளாட்டினம் நாள் என்று நாங்கள் காத்திருந்தபோது, எங்கள் தாகத்தை கொஞ்சமாவது தணிக்கும் முயற்சியாக, பவர் ஸ்டார் டாக்டர் சீனிவாசன் சில பல படங்களை கொடுக்கவிருக்கிறார்.

ஏற்கனவே வெளிவந்த லத்திகா என்ற காவியம், கலைஞரின் இளைஞனை விட வேகமாக ஓடுகிறது என்று தகவல்கள் வரும் வேளையில், ஆஹா. வந்தானே எமது பவர் ஸ்டார், வருகிறதே அடுத்தடுத்து படங்கள் என்று நாங்கள் இறுமாந்து, இறும்பூது எய்யும்போது, ஒருவர் யார் இந்த டாக்டர் சீனிவாசன் என்று ஒரு கேள்வியை போகிறபோக்கில் வீசிச்சென்றுவிட்டார்.  நெஞ்சு கொதிக்கிறது. கொஞ்சம் படங்களை போட்டு அவரை அறிமுகம் செய்யும்வாக்கில் இந்த இடுகை.

இந்த இடுகை, பவர் ஸ்டாருக்கு பவர் கொடுக்க அல்ல. அவர் பவரை உங்களுக்கு காட்ட. இந்த இடுகையில் அவர் புகழ் பாடும் நடவடிக்கைக்கு பதில், வந்துள்ள, வரப்போகும் வெள்ளிவிழா படங்களில் இருந்து சில படங்கள் உங்கள் பார்வைக்கு.

வாழ்க பவர் ஸ்டார். வீழ்க அவர் புகழை குலைக்க நினைக்கும் திம்மிகள்.