தமிழ்மணமா, கண்டிப்பு மாமியா, தடி ஊன்றும் தாத்தாவா ?

அதென்ன இப்படி ஒரு வம்படியான தலைப்புன்னு பாக்க்குறீங்களா ? சில சமயம் அப்படித்தோன்றும் எனக்கு..பதிவின் பெயரே இம்சைதானே...சும்மா இருந்தா எப்படி ? ஆங்...விஷயம் என்னன்னு கேட்குறீங்களா ?

சூடான இடுகைகளுக்கு சூடு வைத்த தமிழ்மணத்தின் பாஸிச நடவடிக்கையை எதிர்த்துத்தான் இந்த பதிவு...இதை ஏன் அப்பவே போடலைன்னு கேட்குறீங்களே ? எனக்கு எப்ப தோனுதோ அப்பத்தான் போடுவேன்....(என்ன திமிர் !!!)

எல்லாருக்கும் நூத்துக்கணக்கா பின்னூட்டம் வருது...பின்னூட்ட விளையாட்டு விளையாடுறாங்க..அதை தடு...அப்படீன்னு ரவிஷங்கர் புலம்பினாரு...உடனே புள்ளைங்க விளையாட்டை தடுக்க வந்த கண்டிப்பு மாமி மாதிரி, நாப்பது உயரெல்லை..ஷட்டப்...எதுவா இருந்தாலும் வீட்டுக்குள்ளே விளையாடு...வெளிய போப்படாது...ஷனியனே...அப்படீன்னு மடக்கிப்போட்டுட்டாங்க...

நாங்களும் எவ்ளோ சொன்னோம்...பதிவெல்லாம் கூட போட்டோம்.."யோவ் அந்தாள் வயத்தெரிச்சல்ல சொல்றான்யா", அவனுக்கு எவனும் பின்னூட்டம் போடுறதில்லைன்னு புலம்புறான்யா...பின்னூட்டம் நூத்துக்கணக்கா போறது ஒன்னும் பெரிய மேட்டர் இல்லைய்யா, அது நாங்களே போடுறது தான்யா...அப்படீன்னெல்லாம் சொன்னோம்...கேக்குற வழியா தெரியல்லியே...இன்னைக்கும் அந்த பாஸிஸ நடவடிக்கை தொடந்துக்கிட்டுத்தான் இருக்கு...

அந்த ஆள் பதிவு போட்டதுக்கு பரிசீலிச்சு நடவடிக்கை எடுத்தீங்க இல்ல...ஏன் அதுக்கப்புறம் பதிவு போட்ட பயலுக பதிவை மறுபடி பரிசீலிக்கறது ? சுப்ரீம் கோர்ட்டே வழக்குகளை திரும்ப ஆராயும் போது, தமிழ்மணம் ஆராயக்கூடாதா ?

சரி அடுத்த மேட்டருக்கு போவோம்..(போயிட்டாண்டா...நாரதப்பய...கொளுத்திப்போடுறதுக்குன்னே கிளம்பிடுறாய்ங்கடா...)

அடுத்த விஷயத்துக்கு வரும்போது ஒரு டிஸ்கி போடுவோம்...இந்த பதிவு யாரையும் குறிப்பது அல்ல..(டேய் இப்பதானடா ரவிஷங்கர கலாய்ச்ச..)

அடுத்தது ஏன் தமிழ்மணம் எனக்கு தடி ஊன்றும் தாத்தாவா தோன்றுதுன்னா (நல்லா கிளப்புறானுங்கடா பீதிய...) யாரோ எவரோ, யாரு பெத்த புள்ளையோ, சூடான இடுகைகள் பற்றி டென்ஷனா ஒரு ஒப்பாரி வெச்சுதாம்...

ஓசை செல்லா பதிவு எப்ப பார்த்தாலும் ஜூடான இடுகையில வருது...மடிப்பாக்கம் சுனாமி எதைச்சொன்னாலும் அது சூடான இடுகையா, திராவிட திம்மிகள் போடும் இடுகைகள் மட்டும் ஏன் சூடான இடுகையில வருது, காண்ட்ரவர்ஸியா தலைப்பு வெச்சா சூடான இடுகையில வருதுன்னு எல்லாரும் காண்ட்ரவர்ஸியாவே தலைப்பு வெக்குறானுங்க ( லேய், அவன் எப்படி தலைப்பு வெச்சா உனக்கென்ன), அப்படின்னு ஒரே கொடுமைக்கூத்து புலம்பல்...

என்னடா இவனுங்க புலம்பல் ஓவராப்போச்சேன்னு தமிழ்மணமும் சூடான இடுகைக்கு ஜூடு வெச்சுருச்சு ( என்னோட கற்பனைதானுங்க இது)....அதனால தான் சொன்னேன்...தடி ஊன்றும் தாத்தா மாதிரி...லைட்டா தட்டினா டடங்கு புடங்குன்னு ஆடி உழுந்துடுறாரு...பாவம் தாத்தா..

நல்லா யோசிச்சு பாருங்க..படிக்கறவன் எதை வேனாலும் படிப்பான்...அது சூடான இடுகையா இருந்தா என்ன, ஆறிப்போன நாறிப்போன இடுகையா இருந்தா என்ன ? தமிழச்சி பெரியார் பற்றி போடும் எல்லா இடுகையும் நல்ல இடுகை என்னைப்பொறுத்தவரை...ஒரு நாளைக்கு பத்து போடுறாங்க..எல்லாம் சூடான இடுகையில வந்தா பரவால்லையா...

பரண் அப்படீன்னா என்ன ? பழசு...பழைய சாதம் வேண்டுமா இல்ல புதிய சாதம் வேண்டுமான்னா எதை எடுப்பாங்க மக்கள் ? ( நான் தனிப்பட்ட முறையில் பழைய சாதம் மற்றும் கெட்டித்தயிரை 'செல்வம்' எலுமிச்சை ஊறுகாயோடு வெட்டு வெட்டென்று ஒரு காலத்தில் வெட்டியவன்)...

பரணில் இருப்பவை பற்றி சொல்லும்போது, இந்திராகாந்தி செத்ததை பழையை பேப்பரை வைத்து டீக்கடையில் படிச்ச விவேக் ஜோக் நியாபகம் வருவதை தடுக்க முடியவில்லல..

பத்ரி எழுதிய பழைய இடுகை உண்மையில் நல்லாத்தான் இருக்கு...ஆனால் அதோட சேர்ந்து பழைய மொக்கைகளான ஆண் பெண் கற்பு நிலை (4), எனது ஒரிசா நினைவுகள் ( அப்போது பிஜு பாட்டீல் முதல்வர்), ஜெயலலிதா அரசு சாலைப்பணியாளர்களை ஏன் நீக்கியது (அவன் மறுபடி ஜாப்புக்கு வந்து ரிட்டேரே ஆயிட்டான்), போன்ற மொக்கை தூசு பிடித்த மேட்டர்களை படிக்கவேண்டி இருக்கு..

டோண்டு ராகவன் எப்பவாது நல்லதா ஒரு பதிவு போட்டா ஆட்டோமேட்டிக்கா அது சூடான இடுகையில வருது...அதை விட்டு, அவரோட ஐ.டி.பி.எல் நினைவுகளையா படிக்குறாங்க மக்கள் ? தீவு மற்றும் பெயரிலி கூட மொக்கைப்பதிவு போட ஆரம்பித்துவிட்ட இந்த காலத்தில் தமிழ்மணம் நிர்வாக குழு சிந்தித்து, முடிவெடுக்கவேண்டும்..

இந்த பதிவின் மூலமாக விடுக்கும் கோரிக்கை..

1.பின்னூட்ட உயரெல்லையை அகற்றுவது..
2.சூடான இடுகைகளை மீண்டும் முகப்பில் காட்டுவது..

என் மேல டென்ஷனாகாதீங்க...நான் அப்படித்தான்...இது சூடான இடுகையில் வந்துத்தொலையும்...வழக்கம் போல மேலும் ஒரு முறை சூடான இடுகை மேல் க்ளிக் செய்து பேண்ட் விட்த் வேஸ்ட் செய்து படிங்க...வணக்கம்..